Svapnādhyāya
namo buddhāya||
svapnādhyāyaṃ pravakṣyāmi bṛhaspativinirmitaṃ|
yena vijñāyate puṃsāṃ svapneṣu ca śubhāśubhaṃ||1||
svapnas tu prathame <yāme> samvatsaraphalapradaḥ|
dvitīye tv aṣṭabhir māsai(r māsais tri)bhis tṛtīyake ||2||
caturbhis tu caturthe syāt phalaṃ suniyataṃ nṛṇāṃ|
aruṇodayavelāyāṃ daśāhena phalaṃ bhavet||3||
śastraprahāra<ḥ> kṛmipūrṇadeho raṇacyuto gātraviśo(dhanaṃ) ca|
viṣṭhānulepo rudhirasrutiṣ ca svapneṣv
agamyāgamanaṃ ca dhānyaṃ||4||
ārohaṇaṃ govṛṣakuñjarāṇāṃ prāsādaśailāgravanaspatīnāṃ|
āruhya nāvaṃ prati(gṛhya) vīṇāṃ bhuktvā ruditvā dhruvam arthalābhaḥ||5||
yas tu paśyati svapnānte rājānaṃ kuñjaraṃ hayaṃ|
suvarṇaṃ govṛṣaṃ gāṃ ca kuṭumbaṃ tasya
vardhate||6||
kṣīriṇaṃ phalinaṃ vṛkṣa(m e)kākī yas tu rohati|
tatrasthaś ca vibhudhyeta dhanaṃ śīghram
avāpnuyāt||7||
prāsādasthas tu yo bhuktvā samudrānte pibej
jalaṃ|
api dāsakule jātaḥ so'pi rājā bhavi(ṣyati) ||8||
dīpam anna<ṃ> phala<ṃ> kanyā<ṃ> chattraṃ rathaṃ dhvajaṃ|
yas tu paśyati svapnānte tāny eva labhate
dhruvaṃ||9||
mānuṣāṇi <ca> māṃsāni svapnānte yas tu bhakṣayet|
pāde pañcaśataṃ (lābhaḥ) sahasraṃ bāhubhakṣaṇe||10||
śiraso bhakṣaṇe rājyaṃ labhate puṇyavigrahaḥ|
bahukoṭīśvaro cāpi kadā cij jāyate pumān||11||
astrair veṣṭayate yas tu gṛhaṃ vā nagarāṇi ca|
gṛhe maṇḍalarājyaṃ vā nagare pārthivo
bhavet||12||
upānahau ca cchattraṃ ca labdhvā yaḥ
pratibudhyati|
asiṃ ca nirmalaṃ tīkṣṇaṃ tasya śrīs
sarvatomukhī||13||
naukārūḍho vipannaḥ syāt tato'pi ca samuttaret|
pravāsaṃ nirdiśet tasya śīghraṃ ca punar āgamaṃ||14||
kharoṣṭravasayo jānaiḥ svapnānte yas tu
rohayet|
tatrastho'py avabudhyeta aiśvaryam
adhigacchati||15||
dantā yasya viśīryante uttiṣṭhanti patanti ca|
bandhunāśo bhavet tasya apatyaṃ ca
vinaśyati||16||
abhyaṅgatas tu tailena medasā<ca> ghṛtena ca|
vyādhiṃ tasya vinirdiśet||17||
raktāmbaradharo bhūto nīyate dhakṣināṃ diśaṃ|
kṛṣṇanāryā kare gṛhya mṛtyu<ṃ> tasya vinirdiśet||18||
raktāmbaradharāṃ nārīṃ raktagandhānulepitāṃ|
avagūhati yaḥ svapne tasya rātrir a<pa>ścimā||19||
śuklāmbaradharāṃ nārīṃ śuklagandhānulepitāṃ|
avagūhati yaḥ svapne tasya śrī<ḥ> sarvatomukhī||20||
rātrau suptas tu yaḥ kaś cij jalokābhis tu
daśyate|
kanyā tu jāyate tasya nātra kāryavicāraṇā||21||
abhidravanti yaṃ svapne śṛṅgiṇo daṃṣṭriṇo'pi vā
vānaro vā<va>rāho <vā> bhaved rājakulād bhayaṃ||22||
ādityamaṇḍalaṃ svapne candraṃ vā yadi paśyati|
sa puṃsāṃ labhate koṣaṃ gṛhaṃ vā saṃprayacchati||23||
nigaḍair badhyate yas tu bāhupāśena vā punaḥ|
putro vā jāyate tasya pratiṣṭhā vāpi
nirdiśyet||24||
yas taptānatva sarpe'pi daṃkṣyate dakṣiṇe
bhuje|
sahasralābho bhavet tasya sampūrṇe daśame
dine||25||
raktaṃ pibati yaḥ svapne surām vāpi kathañcana|
brāḥmaṇo labhate vidhyām itaro labhate dhanaṃ||26||
kṣīraṃ pi<bati> yaḥ svapne saphenaṃ dohinīgataṃ|
somapānaṃ bhavet tasya anyāṃ vā bhūtim
ādiśet||27||
dadhi dattvā bhavet prītiḥ godhūmaiś ca
dhanāgamaḥ|
yavair yajñāgamaṃ vidyāt lābhaḥ siddhārthakair
api||28||
puṣpite puṣpitaṃ kāryaṃ phalite vṛddhim
uttamām|
dhūmāyamāne dhūmāyat jvalate cārtham āvehet||
29||
āsane śayane vāpi śārīre vāhane gṛhe|
jvalamāne vibudhyeta tasya śrīḥ
sarvatomukhī||30||
sa vyādhimukto nirujo